- Album Intro
- Lyrics
- Album list
- Singer Intro
余佩真
-
丁酉年正月二十一
Lyricist:余佩真 Composer:余佩真
天暗暗 城市的燈火陪伴孤身的人下班 腳步重重 安怎伊的眼神 空空 伊講 心破了一空 裝袂下 新的事事項項 伊說 沒啥麼遺憾 只想要惦惦
天光了後照理講 又閣是 新的一天 有人 新的一天 就永遠停在那一天 誰攏知道 生活有苦有甘 誰攏會曉講 好好保重 誰攏希望尚稀微的時陣 毋通將伊的手放
是永遠的美夢啊 是閃閃爍爍掛在遠遠那 是冬天手中拿著冰角看伊融 肉會痛
是永遠的美夢啊 哪會越靠越近越看袂清啊 望天頂的眾神明保庇啊 予艱苦的人 心有通好倚 心有通好倚 心有通好倚
日頭炎炎 鳥仔成群 毋知在講啥 雲行了慢慢 花開了正紅 是你走的那一天 哪會 流目屎啊 哪會 流目屎啊 哪會 流目屎啊 哪會 流目屎啊
是永遠的美夢啊 是閃閃爍爍掛在遠遠那 是冬天手中拿著冰角看伊融 肉會痛 是永遠的美夢啊 哪會越靠越近越看袂清啊 望天頂的眾神明保庇啊 予艱苦的人 心有通好倚 心有通好倚 心有通好倚
------------------------------------------
11100/《丁酉年正月二十一》Ting-iú-nî Tsiann--gue̍h Jī-tsa̍p-it 余佩真Î Puē-tsin
天暗暗 thinn àm-àm 城市的燈火 siânn-tshī ê ting-hué 陪伴孤身的人下班 puê-phuānn koo-sin ê lâng hā-pan 跤步重重 kha-pōo tāng-tāng 按怎伊的眼神空空 án-tsuánn i ê gán-sîn khang-khang
伊講心破了一空 i kóng sim phuà liáu tsi̍t-khang 貯袂落新的事事項項 té buē-lo̍h sin ê sū-sū-hāng-hāng 伊講無啥物遺憾 i kóng bô-siánn-mih uî-hām 只想欲恬恬 tsí siūnn-beh tiām-tiām
天光了後照理講 thinn kng liáu-āu tsiàu-lí kóng 又閣是新的一工 iū-koh sī sin ê tsi̍t-kang 有人新的一工 ū-lâng sin ê tsi̍t-kang 就永遠停咧彼一工 tiō íng-uán thîng teh hit tsi̍t-kang 誰攏知影 siáng lóng tsai-iánn 生活有苦有甘 sing-ua̍h ū khóo ū kam 誰攏會曉講 siáng lóng ē-hiáu kóng 好好保重 hó-hó pó-tiōng 誰攏希望 siáng lóng hi-bāng 上稀微的時陣 Find more lyrics at ※ Mojim.com siōng hi-bî ê sî-tsūn 毋通將伊的手放 m̄-thang tsiong i ê tshiú pàng
是永遠的美夢啊 sī íng-uán ê bí-bāng--ah 是閃閃爍爍 sī siám-siám-sih-sih 掛佇遠遠遐 kuà tī hn̄g-hn̄g hia 是冬天手中 sī tang-thinn tshiú-tiong 提著冰角看伊溶 the̍h tio̍h ping-kak khuànn i iûnn 肉會疼 bah ē thiànn
是永遠的美夢啊 sī íng-uán ê bí-bāng--ah 哪會愈倚愈近 ná ē jú uá jú kīn 愈看袂清啊 jú khuànn buē-tshing--ah 望天頂的眾神明 bāng thinn-tíng ê tsiòng sîn-bîng 保庇啊 pó-pì--ah 予艱苦的人 hōo kan-khóo ê lâng 心有通好倚 sim ū-thang-hó uá 心有通好倚 sim ū-thang-hó uá 心有通好倚 sim ū-thang-hó uá
日頭炎炎 ji̍t-thâu iām-iām 鳥仔結群 tsiáu-á kiat-kûn 毋知咧講啥 m̄-tsai teh kóng siánn 雲行了慢慢 hûn kiânn liáu bān-bān 花開了正紅 hue khui liáu tsiànn âng 是你走的彼一工 sī lí tsáu ê hit tsi̍t-kang
哪會流目屎啊 ná ē lâu ba̍k-sái--ah 哪會流目屎啊 ná ē lâu ba̍k-sái--ah 哪會流目屎啊 ná ē lâu ba̍k-sái--ah 哪會流目屎啊 ná ē lâu ba̍k-sái--ah
是永遠的美夢啊 sī íng-uán ê bí-bāng--ah 是閃閃爍爍 sī siám-siám-sih-sih 掛佇遠遠遐 kuà tī hn̄g-hn̄g hia 是冬天手中 sī tang-thinn tshiú-tiong 提著冰角看伊溶 the̍h-tio̍h ping-kak khuànn i iûnn 肉會疼 bah ē thiànn
是永遠的美夢啊 sī íng-uán ê bí-bāng--ah 哪會愈倚愈近 ná ē jú uá jú kīn 愈看袂清啊 jú khuànn buē-tshing--ah 望天頂的眾神明 bāng thinn-tíng ê tsiòng sîn-bîng 保庇啊 pó-pì--ah 予艱苦的人 hōo kan-khóo ê lâng 心有通好倚 sim ū-thang-hó uá 心有通好倚 sim ū-thang-hó uá 心有通好倚 sim ū-thang-hó uá
- Special thanks to W.B. Chen for correcting the lyric.
- Related Links: W.B. Chen
|