- Album Intro
- Lyrics
- Album list
- Singer Intro
草屯囝仔
-
媽祖
Huangfu Prod. Lyricist:陳樞育、李明倉 Composer:陳樞育、李明倉 Arranger:Huangfu
人生如海 有媽祖指引 親像是明燈踮黑暗時陣牽引咱的心 天上聖母留慈悲 教咱就要向善每一日 心誠 則靈
天地玄宗 神由心通 湄洲林氏降世默聲中 有如靈通 大慈大悲如金光 救苦救難 島嶼眾生保安康 海相險惡無情洶洶 天妃挺身驅蛟龍 降伏妖精千里順風 供奉面容攏薰黑 捨身為己 孝名顯赫連天 天上聖母 慈悲 萬家祈求保安寧 法門弟子專拜請 天上聖母降臨來 神兵火急如律令
人生如海 有媽祖指引 親像是明燈踮黑暗時陣牽引咱的心 天上聖母留慈悲 勸咱就要向善每一日 心誠 則靈
眾信徒攏想欲聽草屯囝仔講祢的故事 要從佗講起 我就帶你轉來泉州浦田縣賢良港三月二三彼一日 踮西元九百六十年 那時咱猶未出世 但是從我有記憶 開始 攏是受祢的保庇
祢親像阮欸媽媽 拄著困難提醒著我 叫我頭要舉乎高 啥物款代誌攏別驚 我一直跑 一直堅持 一直向前行 我袂閣吼 袂閣驚慌 因為有祢的陪伴 我曾經想過放棄 因為祢所以堅持 在我的心目中祢的重要大過幾錢臭錢 有祢我開始學著會對別人好 祢是阮大家人心目中的媽祖 天上聖母
國泰民安 雨順嘩啦啦拉 文武旗飛 鼓陣法仔拉拉 肅靜 喔欸喔欸喔 迴避 喔欸喔欸喔
國泰民安 雨順嘩啦啦拉 文武旗飛 鼓陣法仔拉拉 肅靜 喔欸喔欸喔 迴避 喔欸喔欸喔
人生如海 有媽祖指引 親像是明燈踮黑暗時陣牽引咱的心 天上聖母留慈悲 勸咱就要向善每一日 心誠 則靈
--------------------------------------------
Huangfu Prod. Lyricist:陳樞育、李明倉 Composer:陳樞育、李明倉 Arranger:Huangfu
《媽祖》Má-tsóo 草屯囡仔樂團 Tsháu-tûn-gín-á Ga̍k-thuân
人生如海 jîn-sing jû hái 有媽祖指引 ū Má-tsóo tsí-ín 親像是明燈 tshin-tshiūnn sī bîng-ting 踮烏暗時陣 tiàm oo-àm sî-tsūn 牽引咱的心 khan-ín lán ê sim 天上聖母留慈悲 Thian-siōng-sìng-bió lâu tsû-pi 勸咱著愛向善每一日 khǹg lán tio̍h-ài hiòng-siān muí tsi̍t-ji̍t 誠心則靈 sîng sim tsik lîng
天地玄宗 thinn-tē hiân-tsong 神由心通 sîn iû sim thong 湄洲林氏 Bî-tsiu Lîm--sī 降世默聲中 kàng-sè bi̍k-siann tiong 有如靈通 iú jû lîng-thong 大慈大悲如金光 tāi-tsû tāi-pi jû kim-kong 救苦救難 kiù khóo kiù lān 島嶼眾生保安康 tó-sū tsiòng-sing pó an-khong
海相險惡 hái-siōng hiám-ok 無情洶洶 bô-tsîng hiong-hiong 天妃挺身驅蛟龍 Thian-hui thíng-sin khu kau-liông 降伏妖精 hâng-ho̍k iau-tsiann 千里順風 Tshian-lí Sūn-hong 供奉面容攏薰烏 kiòng-hōng bīn-iông lóng hun oo 捨身為己 siá-sin uī kí 孝名顯赫連天 hàu-bîng hián-hik liân-thinn 天上聖母慈悲 Thian-siōng-sìng-bió tsû-pi
萬家祈求保安寧 bān-ke kî-kiû pó an-lîng 法門弟子專拜請 huat-mn̂g tē-tsú tsuan pài-tshiánn 天上聖母降臨來 Thian-siōng-sìng-bió kàng-lîm--lâi 神兵火急如律令 sîn-ping hué-kip jû lu̍t-līng
人生如海 jîn-sing jû hái 有媽祖指引 ū Má-tsóo tsí-ín 親像是明燈 Find more lyrics at ※ Mojim.com tshin-tshiūnn sī bîng-ting 踮烏暗時陣 tiàm oo-àm sî-tsūn 牽引咱的心 khan-ín lán ê sim 天上聖母留慈悲 Thian-siōng-sìng-bió lâu tsû-pi 勸咱著愛向善每一日 khǹg lán tio̍h-ài hiòng-siān muí tsi̍t-ji̍t 誠心則靈 sîng sim tsik lîng
↓-----(RAP)-----↓ 眾信徒攏想欲聽 tsiòng sìn-tôo lóng siūnn-beh thiann 草屯囡仔講祢的故事 Tsháu-tûn-gín-á kóng Lí ê kòo-sū 欲對佗位講起 beh tuì tuē kóng-khí 我就𤆬恁轉來泉州 guá tō tshuā lín tńg-lâi Tsuân-tsiu 莆田縣賢良港 Pôo-tshân-kuān Hiân-liông-káng 三月二三彼一日 sann-gue̍h jī-sann hit-tsi̍t-ji̍t 踮西元九百六十年 tiàm se-guân káu-pah la̍k-tsa̍p nî 彼時咱猶未出世 hit-sî lán iáu-buē tshut-sì 但是對我有記持開始 tān-sī tuì guá ū kì-tî khai-sí 攏是受祢的保庇 lóng-sī siū Lí ê pó-pì
祢親像阮的媽媽 Lí tshin-tshiūnn gún ê má-mah 拄著困難提醒著我 tú-tio̍h khùn-lân thê-tshínn tio̍h guá 叫我頭愛攑予懸 kiò guá thâu ài gia̍h hōo kuân 啥物款代誌攏莫驚 siánn-mih khuán tāi-tsì lóng mài kiann 我一直走 guá it-ti̍t tsáu 一直堅持 it-ti̍t kian-tshî 一直向前行 it-ti̍t hiòng-tsiân kiânn 我袂閣吼 guá bē koh háu 袂閣驚惶 bē koh kiann-hiânn 因為有祢的陪伴 in-uī ū Lí ê puê-phuānn 我曾經想過放棄 guá tsan-king siūnn kuè hòng-khì 因為祢所以堅持 in-uī Lí, sóo-í kian-tshî 佇我的心目中 tī guá ê sim-bo̍k-tiong 祢的重要 Lí ê tiōng-iàu 大過幾仙臭錢 tuā kuè kuí sian tshàu-tsînn 有祢我開始學著 ū Lí, guá khai-sí o̍h tio̍h 會對別人好 ē tuì pa̍t-lâng hó 祢是阮逐个人 Lí sī gún ta̍k-ê-lâng 心目中的媽祖 sim-bo̍k-tiong ê Má-tsóo 天上聖母 Thian-siōng-sìng-bió ↑-----(RAP)-----↑
國泰民安 kok-thài bîn-an 雨順 ú sūn 嘩啦啦啦 hua-lah lah-lah 文武旗飛 bûn-bú-kî pue 鼓陣 kóo-tīn 嘩啦啦啦 hua-lah lah-lah 肅靜 siok-tsīng 喔欸喔欸喔 ooh-eh ooh-eh ooh 迴避 huê-pī 喔欸喔欸喔 ooh-eh ooh-eh ooh
國泰民安 kok-thài bîn-an 雨順 ú sūn 嘩啦啦啦 hua-lah lah-lah 文武旗飛 bûn-bú-kî pue 鼓陣 kóo-tīn 嘩啦啦啦 hua-lah lah-lah 肅靜 siok-tsīng 喔欸喔欸喔 ooh-eh ooh-eh ooh 迴避 huê-pī 喔欸喔欸喔 ooh-eh ooh-eh ooh
人生如海 jîn-sing jû hái 有媽祖指引 ū Má-tsóo tsí-ín 親像是明燈 tshin-tshiūnn sī bîng-ting 踮烏暗時陣 tiàm oo-àm sî-tsūn 牽引咱的心 khan-ín lán ê sim 天上聖母留慈悲 Thian-siōng-sìng-bió lâu tsû-pi 勸咱著愛向善每一日 khǹg lán tio̍h-ài hiòng-siān muí tsi̍t-ji̍t 誠心則靈 sîng sim tsik lîng
- Special thanks to W.B. Chen for correcting the lyric.
- Related Links: W.B. Chen
Top Comments
All comments ( 3 )
|