- Lyrics
- Album list
金企鵝
-
勸少年
愛開愛跋久就散 毋倘講是毋相干 金銀財寶毋制限 開盡生活就困難 阿就困難 阿就困難喔
有人開了田煞賣 喝酒划拳講笑虧 爽快代先艱苦尾 毋顧自己的面皮 阿的面皮 阿的面皮喔
諸位好朋友 噯ㄟ 歹子得早收 對對對 景氣這歹要研究 毋有理有理 毋倘全心想風流 對對對
千年狐狸皮真潤 比豬母肉卡噢滾 若乎迷到微微睏 滿身麻痺癢癢陣 阿癢癢陣 阿癢癢陣喔
歹運走入狐狸洞 若乎迷到人煞空 不管重要話亂講 萬項代誌不知防 阿不知防 阿不知防喔
毋信斟酌想 若中迷魂香 (宮中那無陰陽樣 煞肯抽兵作前程)
憩陶方法研究透 煙花查某毋倘交 愛錢伊就用海口 了錢煞乎笑憨猴 阿笑憨猴 阿笑憨猴喔
真心查甫真噢找 全島要找無幾個 全是認錢做人客 錢銀開了用喙花 阿用喙花 阿用喙花喔
花間迷魂壇 法術千萬般 好厲害喔 看人擱用目尾看 阿昏去啦 兩眼買收人心肝
勸您風流眾兄弟 若要憩陶就細利 查某若對咱好意 千萬毋倘了憨錢 阿了憨錢 阿了憨錢喔
勸您風流得反悔 毋倘全心想採花 聽阮奉勸幾句話 毋信請教各先輩 阿各先輩 阿各先輩喔
少年要拖磨 對對 毋倘愛來奢華 對對 第一太太得愛娶 有理有理有理 生子傳孫幾大拖
------------------------------------------
15098/《勸少年》Khǹg Siàu-liân 神龍合唱團
愛開愛跋久就散 ài khai ài pua̍h kú tiō sàn 毋通講是無相干 m̄-thang kóng sī bô-siong-kan 金銀財寶無制限 kim-gûn tsâi-pó bô tsè-hān 開盡生活就困難 khai tsīn sing-ua̍h tiō khùn-lân 啊就困難 ah tiō khùn-lân 啊就困難喔 ah tiō khùn-lân--ooh
有人開了田煞賣 ū-lâng khai liáu tshân suah buē 啉酒喝拳講笑詼 lim-tsiú huah-kûn kóng-tshiò-khe 爽快代先艱苦尾 sóng-khuài tāi-sing kan-khóo bué 無顧家己的面皮 bô-kòo ka-kī ê bīn-phuê 啊的面皮 ah ê bīn-phuê 啊的面皮喔 ah ê bīn-phuê--ooh
諸位好朋友 tsu-uī hó pîng-iú 欸 eh 歹囝著早收 pháinn-kiánn tio̍h tsá siu 著著著 tio̍h tio̍h tio̍h 景氣遮䆀愛研究 kíng-khì tsiah bái ài gián-kiù 呣,有理有理 mh, ū-lí ū-lí 毋通全心想風流 m̄-thang tsuân-sim siūnn hong-liû 著著著 tio̍h tio̍h tio̍h
千年狐狸皮真韌 tshian-nî hôo-lî phuê tsin jūn 比豬母肉較僫𤉙 pí ti-bó bah khah oh kûn 若予迷著微微睏 nā hōo bê--tio̍h bî-bî khùn 滿身麻痺蟯蟯顫 muá-sin bâ-pì ngiauh-ngiauh tsùn 啊蟯蟯顫 ah ngiauh-ngiauh tsùn 啊蟯蟯顫喔 ah ngiauh-ngiauh tsùn--ooh Find more lyrics at ※ Mojim.com
歹運走入狐狸洞 pháinn-ūn tsáu ji̍p hôo-lî tōng 若予迷著人煞悾 nā hōo bê--tio̍h lâng suah khong 毋管重要話亂講 m̄-kuán tiōng-iàu uē luān-kóng 萬項代誌不知防 bān-hāng tāi-tsì put-ti hông 啊不知防 ah put-ti hông 啊不知防喔 ah put-ti hông--ooh
毋信斟酌想 m̄-sìn tsim-tsiok siūnn 好啦 hó--lah 若中迷魂香 nā tiòng bê-hûn-hiunn 喔~ ooh~ 宮中若無陰陽樣 kiong-tiong nā-bô im-iông iūnn 煞肯抽兵做前程 suah khíng thiu ping tsuè tsiân-tîng
𨑨迌方法研究透 tshit-thô hong-huat gián-kiù thàu 煙花查某毋通交 ian-hua tsa-bóo m̄-thang kau 愛錢伊就用海口 ài tsînn i tō iōng hái-kháu 了錢煞予笑戇猴 liáu-tsînn suah hōo tshiò gōng-kâu 啊笑戇猴 ah tshiò gōng-kâu 啊笑戇猴喔 ah tshiò gōng-kâu--ooh
真心查某真僫揣 tsin-sim tsa-bóo tsin oh tshuē 全島欲揣無幾个 tsuân-tó bueh tshuē bô kuí-ê 全是認錢做人客 tsuân sī jīn tsînn tsuè lâng-kheh 錢銀開了用喙花 tsînn-gûn khai liáu iōng tshuì hue 啊用喙花 ah iōng tshuì hue 啊用喙花喔 ah iōng tshuì hue--ooh
花間迷魂壇 hue-king bê-hûn tuânn 法術千萬般 huat-su̍t tshian-bān puann 好厲害喔 hǎo lìhài--ooh 看人閣用目尾看 khuànn lâng koh iōng ba̍k-bué khuànn 啊昏去矣啦 ah hūn--khì ah-lah 兩眼買收人心肝 lióng-gán bé-siu lâng sim-kuann
勸恁風流眾兄弟 khǹg lín hong-liû tsiòng hiann-tī 若欲𨑨迌著細膩 nā beh thit-thô tio̍h suè-jī 查某若對咱好意 tsa-bóo nā tuì lán hó-ì 千萬毋通了戇錢 tshian-bān m̄-thang liáu gōng-tsînn 啊了戇錢 ah liáu gōng-tsînn 啊了戇錢喔 ah liáu gōng-tsînn--ooh
勸恁風流著反悔 khǹg lín hong-liû tio̍h huán-hué 毋通全心想採花 m̄-thang tsuân-sim siūnn tshái-hue 聽阮奉勸幾句話 thiann gún hōng-khǹg kuí-kù uē 毋信請教各先輩 m̄-sìn tshíng-kàu kok sian-puè 啊各先輩 ah kok sian-puè 啊各先輩喔 ah kok sian-puè--ooh
少年愛拖磨 siàu-liân ài thua-buâ 著著著 tio̍h tio̍h tio̍h 毋通來奢華 m̄-thang lâi tshia-hua 媠媠媠 suí suí suí 第一太太著愛娶 tē-it thài-thài tio̍h-ài tshuā 有理有理有理 ū-lí ū-lí ū-lí 生囝傳孫規大拖 sinn-kiánn thuân-sun kui-tuā-thua 著著著啦 tio̍h tio̍h tio̍h lah
- Special thanks to ddu for sharing the lyric.
- Special thanks to 謝進興 W.B. Chen for correcting the lyric.
- Related Links: W.B. Chen
All comments ( 1 )
|