- Lyrics
- Album list
- Singer Intro
郭大誠
-
內山兄坐車
Lyricist:郭林 Composer:日本曲
內山兄坐牛車 要去台北城 到山腳換坐一台 上北的火車 坐火車到台北 換坐計程車 看見著交通警察 置咧指揮車 車來車去一時聽著 嗶嗶仔聲 遊覽車公共汽車 三輪貨車吉普車 一架架攏來停車 歸路全是車
↓↓(口白)---(口白)---(口白)↓↓ 內山兄坐一台牛車 要去繁華的台北城 真歹運到山腳 牛車煞來跌落崎 害我摔一下 險險啊無生命 這件車禍 結果壓死兩隻螞蟻 牛車不能走尚害 自按呢 跑去火車頭坐火車 坐不外久 火車就到了台北城 落火車頭 煞乎我著一驚 看到街路 車來車去全是車 要去北投 煞不知要坐叨一架 好加在 一位司機大兄 駛著計程車 叫我緊上車 向前開著直直行 行呀行 唉唷 忽然去聽到 交通的嗶嗶仔聲 一路上的車 一架一架攏來停車 原來啊 就是一個五六歲的囝仔兄 駛一台迷你的電動車 大大方方大車路把它當作運動場 駛得四界行 害得對面來的150cc機車 車手煞抓不住 為著要閃彼台電動車 煞去撞到水肥車 那台水肥車趕緊來煞車 也不過水肥已經噴出歸半車 害我坐的計程車歸車煞臭兮兮 好加在 好加在 後面跟著一台消防車 趕緊噴水來甲我洗車 洗好車才擱聽到嗶嗶聲 車輛全部才擱起行 唉唷 也不過想到我會驚 所以我要拜託囝仔兄 交通規則你要聽 你若發生事故 父母的心會真疼痛 車路不通當作運動場 才袂發生人命 ↑↑(口白)---(口白)---(口白)↑↑
嗶嗶仔聲吹一聲 車輛又起行 囝仔人發生事故 父母心疼痛 大車路千萬不通 當作運動場 聽歌的先生小姐 恁若要坐車 請恁要求司機大兄 車掌小姐 著遵守交通規則 不通超載甲超車 也通來保全自己 寶貴的生命
------------------------------------------
《內山兄坐車》Lāi-suann-hiann Tsē-tshia 郭大誠Kueh Tāi-sîng
內山兄坐牛車 lāi-suann-hiann tsē gû-tshia 欲去臺北城 beh khì Tâi-pak-siânn 到山跤換坐一台 kàu suann-kha uānn tsē tsi̍t-tâi 上北的火車 tsiūnn-pak ê hué-tshia 坐火車到臺北 tsē hué-tshia kàu Tâi-pak 換坐計程車 uānn tsē kè-thîng-tshia 看見著交通警察 khuànn-kìnn tio̍h kau-thong-kíng-tshat 佇咧指揮車 tī-leh tsí-hui tshia 車來車去 tshia lâi tshia khì 一時聽著觱觱仔聲 tsi̍t-sî thiann-tio̍h pi-pi-á siann 遊覽車公共汽車 iû-lám-tshia kong-kiōng-khì-tshia 三輪貨車吉普車 sann-lián-huè-tshia jì-puh-tshia 一隻隻攏來停車 tsi̍t-tsiah-tsiah khuè lóng lâi thîng-tshia 規路全是車 kui-lōo tsuân sī tshia
↓↓(口白)---(口白)---(口白)↓↓ 內山兄坐一台牛車 lāi-suann-hiann tsē tsi̍t-tâi gû-tshia 欲去繁華的臺北城 beh khì huân-huâ ê Tâi-pak-siânn 誠歹運到山跤 tsiânn pháinn-ūn kàu suann-kha 牛車煞來跋落崎 gû-tshia suah lâi pua̍h-lo̍h kiā 害我摔一下 hāi guá siak tsi̍t-ē 險險仔無性命 hiám-hiám-á bô sìnn-miā 這件車禍 Find more lyrics at ※ Mojim.com tsit kiānn tshia-hō 結果軋死兩隻狗蟻 kiat-kó kauh sí nn̄g-tsiah káu-hiā 牛車袂當行上害 gû-tshia buē-tàng kiânn siōng hāi 自按呢 tsū-án-ne 走去火車頭坐火車 tsáu-khì hué-tshia-thâu tsē hué-tshia 坐無偌久 tsē bô-guā-kú 火車就到了臺北城 hué-tshia tsiū kàu liáu Tâi-pak-siânn 落火車頭 lo̍h hué-tshia-thâu 煞予我著一驚 suah hōo guá tio̍h tsi̍t-kiann 看著街路 khuànn-tio̍h ke-lōo 車來車去全是車 tshia lâi tshia khì tsuân sī tshia 欲去北投 beh khì Pak-tâu 煞毋知欲坐佗一隻 suah m̄-tsai beh tsē tó tsi̍t-tsiah 好佳哉 hó-ka-tsài 一個司機大兄 tsi̍t-ê su-ki tuā-hiann 駛著計程車 sái tio̍h kè-thîng-tshia 叫我緊上車 kiò guá kín tsiūnn-tshia 向前開咧直直行 hiòng-tsîng khui eh ti̍t-ti̍t kiânn 行啊行 kiânn--ah kiânn 哎喲!忽然間去聽著 aih-iō! hut-jiân-kan khì thiann-tio̍h 交通的觱觱仔聲 kau-thong ê pi-pi-á siann 一路上的車 tsi̍t-lōo siōng ê tshia 一隻一隻攏來停車 tsi̍t-tsiah-tsi̍t-tsiah lóng lâi thîng-tshia 原來啊 guân-lâi--ah 就是一個五六歲的囡仔兄 tsiū-sī tsi̍t-ê gōo-la̍k huè ê gín-á-hiann 駛一台迷你的電動車 sái tsi̍t-tâi mini ê tiān-tōng-tshia 大大方方大車路 tuā-tuā-hong-hong tuā-tshia-lōo 共當做運動埕 kā tòng-tsò ūn-tōng-tiânn 駛咧四界行 sái leh sì-kè kiânn 害著對面來的150cc的機車 hāi tio̍h tuì-bīn lâi ê 150cc ê ki-tshia 車手煞扞袂定 tshia-tshiú suah huānn buē tiānn 為著欲閃彼台電動車 uī-tio̍h beh siám hit tâi tiān-tōng-tshia 煞去挵著水肥車 suah khì lòng-tio̍h tsuí-puî-tshia 彼個水肥車 hit ê tsuí-puî-tshia 趕緊來煞車 kuánn-kín lâi sat-tshia 猶毋過 iáu-m̄-koh 水肥已經噴出規半車 tsuí-puî í-king phùn tshut kui puànn-tshia 害我坐的計程車 hāi guá tsē ê kè-thîng-tshia 規車煞臭kiâ-kiâ kui tshia suah tshàu kiâ-kiâ 好佳哉好佳哉 hó-ka-tsài hó-ka-tsài 後面綴著一台消防車 āu-bīn tuè tio̍h tsi̍t-tâi siau-hông-tshia 趕緊濺水來共我洗車 kuánn-kín tsuānn-tsuí lâi kā guá sé tshia 洗好車 sé-hó tshia... 洗好車才閣去聽著 sé-hó tshia tsiah-koh khì thiann-tio̍h 彼號觱觱聲 hit-lō pi-pi-siann 車輛全部才閣起行 tshia-lióng tsuân-pōo tsiah-koh khí-kiânn 唉唷猶毋過想著會驚 aih-iooh, iáu-m̄-koh siūnn-tio̍h ē kiann 所以講我欲拜託囡仔兄 sóo-í kóng guá beh pài-thok gín-á-hiann 交通規則恁著聽 kau-thong kui-tsik lín tio̍h thiann 恁若發生事故 lín nā huat-sing sū-kòo 爸母的心是真痛疼 pē-bú ê sim sī tsin thàng-thiànn 車路毋通當做運動埕 tshia-lōo m̄-thang tòng-tsò ūn-tōng-tiânn 才袂發生人命 tsiah buē huat-sing lâng-miā ↑↑(口白)---(口白)---(口白)↑↑
觱觱仔聲歕一聲 pi-pi-á-siann pûn tsi̍t-siann 車輛又起行 tshia-lióng iū khí-kiânn 囡仔人發生事故 gín-á-lâng huat-sing sū-kòo 爸母心痛疼 pē-bú sim thàng-thiànn 大車路千萬毋通 tuā-tshia-lōo tshian-bān m̄-thang 當做運動埕 tòng-tsuè ūn-tōng-tiânn 聽歌的先生小姐 thiann-kua ê sian-sinn sió-tsiá 恁若欲坐車 lín nā beh tsē tshia 請恁要求司機大兄 tshiánn lín iau-kiû su-ki tuā-hiann 車掌小姐 tshia-tsiáng sió-tsiá 著遵守交通規則 tio̍h tsun-siú kau-thong kui-tsik 毋通超載佮超車 m̄-thang tshiau-tsài kah tshiau-tshia 也通來保全 iā thang lâi pó-tsuân 自己寶貴的性命 tsū-kí pó-kuì ê sìnn-miā
- Special thanks to W.B. Chen for correcting the lyric.
- Related Links: W.B. Chen
|